Fiksimini
diwangun ku dua kecap, fiksi jeung mini. Fiksi téh
sarua jeung carita rékaan. Karangan. Anu dumasar kana imajinasi. Sedengkeun mini,
hartina pondok. Pondok pisan. Jadi fiksi mini mangrupa karangan dumasar kana
imajnasi, nu miboga ukuran leuwih pondok tibatan carpon.
Fiksimini kauger ku jumlah kecap anu ditangtukeun antara 100 nepi ka
150 kecap. Fiksimini kaasup salah sahiji génré anyar dina karya sastra. Ku kituna,
fiksimini kudu miboga:
1.
Unsur
hiburan;
2.
Mangpaat
keur pamacana
3.
Aya ajén
kahirupan nu alus; jeung
4.
Luyu
jeung kamandang sastra nu mangrupa jalan kaopat pikeun ngahontal bebeneran
(agama, élmu, filsafat, jeung sastra).
Lélé
Banjir ayeuna mah teh apal wayah. Euweuh
usumna. Taktak gé asa euweuh mendingna. Kétang aya. Biasana banjir kieu mah,
sok dituturkeun ku banjir lélé. Sainyana mun banjir téh, siga nu beunang
malidkeun ti girang. Susukan jadi pinuh ku lélé. Sakali mangsa jorojoy hayang
apal, saha nu ngencarkeun lélé téh. Dicukcruk. Disusud ka girang. Bisi aya situ
limpas. Atau nu kulah nu caah. Ari bréh téh geuning, réwuan lélé pating sérépét
tina pamiceunan limbah rumah sakit. Cék petugas rumah sakit mah, pajarkeun
parabna gé daging sésa operasi. Paingan baradag.
dicutat tina Kalakay, Kumpulan Fiksimini Sunda (Deni Riaddy)
dicutat tina Kalakay, Kumpulan Fiksimini Sunda (Deni Riaddy)
